የማይሞተው ሞተ

ንፁህ ሆነህ ሳለ
አዛኝ ሆኖ ልብህ
ሞትህን ፈልገው
አይሁድ መከሩብህ
አወቀህ እንዳላወቅህ
ምክራቸው ሲፀና
የሞትህን ፅዋ ተጎነጨህና
በጠላቶችክ ፊት
ቆምክ በትህትና
በአንደበትህ ሀሰት
ባይገኝም ቅሉ
የልባቸው ክፋት ለከቱን አጣና
ሁሉም ፈረዱብህ ይሰቀል እያሉ
ጲላጦስም ገፋህ ሄሮድስም አልራራ
አሰለፈው ሰጡህ አንተን ለመከራ
አንገላቱህ በግፍ ገረፋህ አብዝተው
አዳኝነትህን ክብርህን ዘንግተው
ተዘባበቱብህ አፋቸውን ከፍተው
ልባቸውን ዘግተው
አጥንትህ ሲቆጠር
ስጋህ ተበጣጥሶ
መላ ሰውነትህ ደም አቯራ ለብሶ
ንጉስ ሆይ እያሉ ይሳለቁበሀል
አንተ የኔ ቤዛ
መስቀል ተሸክመህ ስቃይ በዝቶብሀል
ምድረ ጎለጎታ መከራህ በረታ
በሾህ አክሊል ስለት እራስህ ተመታ
እጅህን በሚስማር
እግርህን በሚስማር
ልብህ ደረትህም በሚስማር ተወጋ
ሰጋህ ተቆረሰ
አጥንትህ ደቀቀ
የአለሙ ጌታ አልፋና ኦሜጋ
ከወንበዴዎች ጋር አቆሙህ በመስቀል
ቀኑ ደረሰና
የአዳም እርግማኑ በሞትህ ሊነቀል
ተጠማሁ ብትልም
የጭካኔን ፅዋ ቀድመው ስለዋጡት
ሀሞት ሰጡህና ጥምህን ቆረጡት
አለቀሰች ድንግል አዘነች አብዝታ
ተሰቅለህ በመስቀል
በግፈኞች በትር መከራህን አይታ
እሚያደርጉትን ሁሉ እያቁትምና
አባት ሆይ ማራቸው በማለትም ፀለይክ
የምህረትህ ነገር ጥግ የለውምና
ላደረገው ሁሉ በአይሁዶች እይታ
መሞት ሆነ ዋጋህ
ትንቢት ይፈፀም ዘንድ
በፈቃድህ ለየህ ነፍስህን ከስጋህ
ምድር ተናወጠች ጨርቃም ደም ለብሳ
ከዋክብት ረገፉ መቃብር ተከፍቶ ሙታኑም ተነሳ
ቃሉም ተፈፀም አዳም ነፃ ወጣ
እንጦረጦስ ገባ ሰይጣን ሀይሉን አጣ
የሚሆነው ሆኖ የማይሞተው ሞተ
የሂወት በራችን
በደሙ ማሀተም ዳግም ተከፈተ

ይሄን የአምላክ ፍቅር
የማዳኑን መንገድ መግለፅ ይከብደኛል
ምትን በምት ሽሮ
ሂወትን የሚሰጥ ከ ወዴት ይገኛል

የማይሞተው ሞተ


💘❤️❤️❤️❤️❤️❤️❤️❤️💘
@Galleryapic

🦋የክርስትና እምነት ተከታይ ለሆናችሁ ለቻናላችን ቤተሰቦች እንኳን ለጌታችን ለመድሃኒታችን ለኢየሱስ ክርስቶስ በዓለ ትንሳኤ በሰላምና ጤና አደረሳችሁ🤗
✝ @galleryapic ☦

የሰው ሕይወት በምድር ላይ ብርቱ ሰልፍ ናት !

ሕይወት ብርቱ ሰልፍ ናት ፡፡ ብዙ ዔመታት የኖርክ ቢመስልህም ነገር ግን የምትጨርሰው ከጀመርክበት ነው ፡፡ ራቁትህን መጣህ ራቁትክን ትወለዳለህ ፤ በጥርስ አልባው ድድህ እየጋጥክ ትጀምራለህ ፤ የሕይወትን ትግል እየዳህ ትጀምራለህ ፤ አጎንብሰህ ትጨርሳለህ ፡፡
መጀመሪያህ መጨረሻህ ነው ፡፡

የጀመርክበትን አትርሳ መጨረሻህ ነውና ፡፡ የጀመርክበትን አትናቀው ትጨርስበታለህና ፡፡ ተራ ሰው ሆነህ ትጀምራለህ ምሁር ብትሆን ፤ ባለ ሐብት ብትሆን፤ ባለ ሥልጣን ብትሆን ፤ ክቡር ሆነህ የንግስና ዘውድ ብትጭን ፤ የምትጨርሠው ከአፈር ተፈጥረህ በአፈር ነው ፡፡

ባለማወቅ ትጀምራለህ በመርሳት ትጨርሳህ፡፡ምንም ይዘህ አለመጣህምና ምንም ይዘህ አትሔድም ። በለቅሶ ትጀምራለህ ፤ በጭንቅ ትጨርሳለህ፡፡ በሰው እቅፍ ትጀምራለህ ፤ በሠው ሸክም ትጨርሳለህ ፡፡

ልደትህ ከሞትህ በምን ይለያል ? ሞትህስ ከልደትህ በምን ይከፋል ? ሕይወት መጀመሪያዋና መጨረሻዋ አንድ ነው ፡፡በዚህ የተነሣ ጠቢቡ እንዳለው ሁሉም ከንቱ የከንቱ ከንቱ ነው ፡፡ ከፀሐይ በታች አዲስ ነገር የለም ፡፡

የዓለም ከንቱነት ግን ውበትዋ ነው ፡፡ ዓለም አዲስ ነገር ቢኖራት እኛን እንዴት በፀፀተን ፤ ሞት የእውነት መጨረሻ ቢሆን እንዴት በቆጨን።

"ጨለማን መተቸት ብርሃን አያመጣም ክፋትን መኮነንም ደግነት አይሆንም ኋላቀርነትን ማጥላላት ሥልጣኔ አያመጣም ጦርነትን መፍራትም ሠላም አይሆንም እንዲሁም ረሃብን አለመፈለግ ጥጋብ አያመጣም ። ዕውቀትና በጎ አመለካክት ግን ማህበረሰብን መቀየር ይችላሉ ።"

መልካም ሁን መልካምነት ራሱ ይከፍልሀል ይባል የለ ?
ስለዚህ ዘላለማዊውን ክብር እንደ ይሁዳ በጊዜያዊ ደስታ አትቀይር። ለሰው ልጅ ዘላለማዊ ዋስትናን ሊሰጠው የሚችለው ከሰማይ የወረደው ኢየሱስ ክርስቶሰ ብቻ ነው።እርሱ በመስቀል ላይ ተሰቅሎ ሞቶልሐል።የኃጢያት ዕዳህን ከፍሎልሐል ። ተቀበለው እመንበት ኑርበት አምልከው ዘለዓለማዊው የሰው ልጅ የሕይወት ዋስትና እርሱ ብቻ ነው ።

@Galleryapic 💙

መልካም የእናቶች ቀን❤️
@Galleryapic

ምንም እንኳን ሰዎች በአንተ ቢያምኑብህም እና ቢመኩብህም ፤ አንተ በገዛ እራስህ ካላመንክ ህይወትህ ምንም ዋጋ የለውም። ከሰዎች ፍቅር በላይ የራስህ ፍቅር ወሳኝ ነው። የሚገርመው ሰዎች እራሱ ሊወዱህ የሚችሉት አንተ በመጀመሪያ እራስህን መውደድ ስትችል ነው።እራስህን በደንብ ተንከባከበው። ሲያጠፋ ይቅር በለው፤ ሲደክም አበርታው፤ ሲሳካለት አሞካሸው። ላንተ ካንተ የቀረበ ማን አለህና?
@Galleryapic 🦋

ከምናደንቃቸውን ሰዎች ስኬት ጀርባ ያለውን የስህተት ብዛት ብናይ....ለካ እኔ ደጋግሜ መሳሳት ስለምፈራ ነው ብዙ ነገር ጀምሬ የማቆመው፤ እንጂ እንደዚህ መሳሳትማ መቼ ያቅተኛል እንላለን ።

ህልምህ ጋር ለመድረስ ስህተትና ሽንፈትን ጓደኛህ ማድረግ አለብህ! ወዳጄ እየተሳሳትክ ካልሆነ ምንም አዲስ ነገር እየጨመርክ አይደለም።

@Galleryapic 🎖

ጨለማውን ማጥፋት አትችሉም።

ጨለማ ጋር በቀጥታ ምን ማድረግ ትችላላችሁ?ጨለማን በቀጥታ ልታስወግዱት አትችሉም፡፡ ጨለማን ወርውራችሁ መጣል አትችሉም፡፡ ጨለማንም መፍጠርም ሆነ ከሌላ ቦታ ማምጣት አትችሉም፡፡ ጨለማ ጋር አንድ ነገር ለማድረግ የሚቻለው በብርሃን ውስጥ ብቻ ነው፡፡ጨለማውን ለማጥፋት ብቸኛው አማራጭ ብርሀኑን መፍጠር ብቻ ነው።ጨለማ ማለት የብርሀን አለመኖር ነው ጨለማው በራሱ ትርጉም ያለው ነገር አይደለም። ጨለማው እንዲውጣችሁ ካልፈለጋችሁ ብርሃኑን አብሩት፡፡እንደዚሁ ሁሉ ጥላቻችሁ የተፈጠረው በፍቅር አለመኖር ምክንያት ነው። ጥላቻችሁንና ክፋታችሁን ከራሳችሁ ለማራቅ ያላችሁ አማራጭ ማፍቀር ብቻ ነው።
ኦሾ

@Galleryapic 🦋
@Galleryapic 🦋

በታሪኳ እንዲህ ያለ ስቃይን አለም አስተናግዳ አታውቅም::
-
ጤናማ ይምሰል እንጂ ሰው ሁሉ እብድ ነው::
-
ከማህበረሰቡ ወጣ ብላችሁ ማህበረሰቡን ብትመለከቱ የጎደለ ነገር እንዳለ ትረዳላችሁ::
-
እንደዚህ ደስታን ያጣ እና በጭንቀት የሰከረ ህብረተሰብ በአለም ታሪክ ኖሮ አያውቅም::
-
"በሰለጠነ!" ሁኔታ ውስጥ የሰየጠነ ሁኔት ላይ ወድቀናል::ያደጉትም ያላደጉትም አገራት መፍትሄ ጠፍቷቸዋል::ጉዳይ ባደጉት አገራት ጎልቷል::ራሱን የሚያጠፋው ዜጋ ቁጥር የለውም::
-
7.8 ቢሊዮን ህዝብ የውሸት አስተሳስብ እና ትምህርትን ጠጥቶ ስክሯል ወይም አብዷል::
-
መከፋፈል: መጠላላት: ጦርነት: በሽታ: የትዳር መፍረስ: ሱስ: ሀጥያት: ርሃብ: ጭካኔ ከምንጊዜም በላይ እየጨመሩ ነው::ችግር ይቀርፋሉ ያልናቸው አለማዊ እና መንፈሳዊ ተቋሞቻችን ችግር በሚያበዙ ሰዎች ተሞልተው መከራውን እያበዙ ነው::
-
አለም በዚህ ከቀጠለች እንደ ሰው ልጅ ዘር መቀጠል ሊሳነን ቋፍ ላይ ነን::ይህ እጅግ አሳሳቢ ዘመን ነው::በአፋጣኝ መፍትሄ ካልተሰጠው በአፋጣኝ ሊያጠፋን ነው::
-
ተቀዳሚው ስህተታችን አለማወቃችን ነው::
-
ከአለማወቅ የጎዳን አለማወቅ ደግሞ አምላክን አለማወቅ ነው::
-
ከፈጠረን ህይወት ጋር እንዴት በንቃት መግባባት እንዳለብን ዘነጋን::
-
ችግሩ በዋናነት የመጣው እናት እና አባታችን ከሚሆን ፈጣሪ ስለራቅን ነው::ችግር የሚቀረፈው ወደ ፈጣሪ በመንፈስ ስንቀርብ ብቻ ነው::
-
እኛ ግን ለችግር ሁሉ መፍትሄ ከሚሰጥ ከአምላካችን እለት እለት እየራቅን ነው::ድምፁን ከመስማት ይልቅ አለም መስማት መፍትሄ ያለው መስሎናል::
-
በአምላክ ዘንድ አሁን አለም ከሚኖርበት የተለዬ የህይወት መንገድ አለ::ብዙ ሸክም የሌለበት ቀላል ጎዞ ነው::እርሱም ልብን በራሱ በአምላክ መንፈስ ማደስ ነው::
-
የአምላክ መንፈስ ወደ እኛ መንፍስ ሲገባ አሁን እንደ ትልቅ ተራራ የገዘፉ የአለም እና የግል ችግሮች ደልዳላ ሜዳ ይሆናሉ::
-
በአለም መከራ የተዋጠው ሀሴት እና ሰላማችን እንደገና ያብባል::በእኛ ውስጥ አድርጎ የአምላክ ሰላም ምድርን ይጎበኛል::ለእያንዳንዱ በሽታ ጤና: ለጦርነቱ ሰላም: ለችግሩ መፍትሄ: ለጨለማው ብርሃን ይሆናል::
-
አምላካችን ሁላችንንም ያለምክንያት አልፈጠረንም::የፈጠረን እኛን መሳርያ አድርጎ አለም ለማዳን ነው::
-
ለሁላችንም እርሱ የሰጠን ፀጋ እና ስጦታ አለን::የሰጠን ግን እንድንሰጥነው::ሀይሉን ተጠቅመን ልጆቹን እንድናድን ነው::ልጆቹን ብቻ ሳይሆን ፍጥረትን ሁሉ ነፃ እንድናወጣም ጭምር ነው::
-
በእኛ መጨነቅ እና መሰቃየት ፍጥረት ሁሉ እየተሰቃዬ ነው::በእኛ መዳንና መለወጥ ፍጥረት ሁሉ ለመዳን እየጠበቀ ነው::
-
ስቃዩ እና መከራው ወደ አምላክ እንዲያቀረብን እናድርግ::ጠበበኞች እንሁን::ከጥላቻ እና ከመጥፎ ሀሳቦች እንሽሽ::በልባችን መለወጥ እንታደስ::በሁሉም ቦታ በአምላክ መንፈስ ሀይል እንነዳ::ራሳችንን አድነን በስቃይ ላይ ያሉ ፍጥረታትንም እናድን::
-
አሜን!!!

Be ads melk mesal jemrenal😊...endet new🙄...